د ازپگ د خدمتونو د کارولو شرطونه او مقررات

ازپگ یو آنلاین بازار دی چې د افغانستان لپاره د پیرود او پلور اسانتیا برابروي. دا پلیټفارم د "د ګنج نوا آنلاین خدمتونه" شرکت ملکیت دی او د افغانستان د صنعت او سوداګرۍ وزارت او د مخابراتو او معلوماتي تکنالوژۍ وزارت کې ثبت شوی دی. ټول مادي او معنوي حقوق یې د یاد شرکت ملکیت دي.

د ازپگ کارونه یوازې هغو اشخاصو ته روا ده چې عمر یې تر ۱۸ کلونو پورته وي. تر دې عمر لاندې کسان باید د خپل قانوني سرپرست تر څار لاندې پلیټفارم وکاروي.

د ټولو کاروونکو هویت باید د معتبر پیژندپاڼو (تذکره یا پاسپورټ) له لارې تثبیت شي.

که یو کاروونکی د سوداګریز نوم (برانډ) لاندې اعلانونه کوي، نوم باید د قانوني ادارو له خوا رسمي ثبت شوی وي.

کاروونکي باید یوازې قانوني، واقعي او د ټولنې له عرف سره سم محصولات یا خدمتونه اعلان کړي.

هر ډول فریب ورکوونکي، سپکونکي، غیر قانوني یا غیر اخلاقي اعلانونه منع دي.

هر اعلان چې سیاسي، مذهبي، توهین آمیز، افتراء، د مظاهرو بلنه، یا د خلکو د آرامۍ او حقوقو پر ضد وي، منع دی.

اعلانونه باید د پلیټفارم له موجودو کټګوریو سره سمون ولري.

د محصول توضیحات باید دقیق او صحیح وي.

واضح او واقعي انځورونه باید له محصول سره یوځای شي.

تکراري اعلانونه یا د غلطو برخو اعلانونه منع دي.

د اعلان ټول معلومات (بیه، موقعیت، تماس شمېره، او نور) باید دقیق او صحیح وي.

د منع شویو توکو اعلانونه (وسلې، نشه‌يي توکي، الکولي مشروبات، جعلي اسناد، او نور) په کلکه منع دي.

د ازپگ پلیټفارم باید یوازې د تجارتي موخو لپاره وکارول شي. سیاسي، مذهبي یا نور ممنوع مقاصد روا نه دي.

غیر اخلاقي، حساس او خطرناک محتوا چې نورو ته زیان ورسوي، منع دي.

هر ډول دیجیتالي فریب یا ناوړه ګټه اخیستنه عدلي تعقیب لري.

د اعلان د محتوا د صحت او اعتبار مسؤلیت یوازې د اعلان کوونکي پر غاړه دی. ازپگ د معاملې، کیفیت یا خدمت مسؤل نه دی.

کاروونکي باید یقیني کړي چې معامله په خوندي فضا کې، د پوره معلوماتو سره ترسره کېږي.

ازپگ یوازې د پلورونکي او پیرودونکي ترمنځ واسطه ده او مستقیم رول نه لري.

د پلیټفارم دننه چټ شتون نه لري. اړیکه باید د قانوني چوکاټ دننه د واتساپ یا تماس له لارې وشي.

پیسې، موافقې، تحویل، او نور جزئیات باید د افغانستان د قوانینو مطابق د دواړو خواوو ترمنځ وشي.

کاروونکي باید د نورو د تماس معلومات د اعلان، مزاحمت یا بل نامناسب هدف لپاره و نه کاروي.

تکراري یا جعلي اعلانونه کولای شي د کارن حساب بند کړي.

د کاروونکو شخصي معلومات به یوازې د تخنیکي یا ارتباطي اړتیاوو لپاره وکارول شي، او پرته له اجازې، بل چا ته نه ورکول کېږي (مګر د قانوني حکم په صورت کې).

کاروونکي باید خپل رمز پټ وساتي او د خپل حساب ساتنه وکړي.

ازپگ حق لري چې هر اعلان، چې له شرایطو سره سمون نه لري، له خبرداري پرته حذف کړي.

که تخلف تکرار شي، د کارونکي حساب موقتي یا دایمي بندېږي.

ازپگ د کاروونکو لخوا ورکړل شویو معلوماتو د صحت، دقت یا اعتبار مسؤلیت نه لري.

د اعلان د محتوا مسؤلیت یوازې د اعلان کوونکي پر غاړه دی

ازپگ د هر ډول مادي یا معنوي تاوان (جاني، مالي یا حقوقي) مسؤلیت نه لري چې د اعلان یا د کاروونکو د بېپامۍ له امله رامنځته شي

ازپگ حق لري چې شرایط د وخت سره سم د افغانستان د نافذه قوانینو او داخلي مقرراتو مطابق تازه کړي.

کاروونکي مسؤل دي چې دا بدلونونه مطالعه کړي. د پلیټفارم دوامداره کارونه د نوې نسخې د منلو په معنی دي.