د ازپگ د پلیټفارم د کارولو شرایط او مقررات
لومړۍ ماده: د ازپگ پېژندنه
ازپگ یو آنلاین بازار دی چې د افغانستان لپاره د پیرود او پلور اسانتیا برابروي. دا پلیټفارم د "د ګنج نوا آنلاین خدمتونه" شرکت ملکیت دی او د افغانستان د صنعت او سوداګرۍ وزارت او د مخابراتو او معلوماتي تکنالوژۍ وزارت کې ثبت شوی دی. ټول مادي او معنوي حقوق یې د یاد شرکت ملکیت دي.
دوهمه ماده: د کاروونکو اهلیت
- د ازپگ کارونه یوازې هغو اشخاصو ته روا ده چې عمر یې تر ۱۸ کلونو پورته وي. تر دې عمر لاندې کسان باید د خپل قانوني سرپرست تر څار لاندې پلیټفارم وکاروي.
- د ټولو کاروونکو هویت باید د معتبر پیژندپاڼو (تذکره یا پاسپورټ) له لارې تثبیت شي.
- که یو کاروونکی د سوداګریز نوم (برانډ) لاندې اعلانونه کوي، نوم باید د قانوني ادارو له خوا رسمي ثبت شوی وي.
درېیمه ماده: د اعلان خپرولو شرایط
- کاروونکي باید یوازې قانوني، واقعي او د ټولنې له عرف سره سم محصولات یا خدمتونه اعلان کړي.
- هر ډول فریب ورکوونکي، سپکونکي، غیر قانوني یا غیر اخلاقي اعلانونه منع دي.
- هر اعلان چې سیاسي، مذهبي، توهین آمیز، افتراء، د مظاهرو بلنه، یا د خلکو د آرامۍ او حقوقو پر ضد وي، منع دی.
څلورمه ماده: د اعلان تخنیکي مشخصات
- اعلانونه باید د پلیټفارم له موجودو کټګوریو سره سمون ولري.
- د محصول توضیحات باید دقیق او صحیح وي.
- واضح او واقعي انځورونه باید له محصول سره یوځای شي.
- تکراري اعلانونه یا د غلطو برخو اعلانونه منع دي.
- د اعلان ټول معلومات (بیه، موقعیت، تماس شمېره، او نور) باید دقیق او صحیح وي.
پینځمه ماده: ناقانونه فعالیتونه
- د منع شویو توکو اعلانونه (وسلې، نشهيي توکي، الکولي مشروبات، جعلي اسناد، او نور) په کلکه منع دي.
- د ازپگ پلیټفارم باید یوازې د تجارتي موخو لپاره وکارول شي. سیاسي، مذهبي یا نور ممنوع مقاصد روا نه دي.
- غیر اخلاقي، حساس او خطرناک محتوا چې نورو ته زیان ورسوي، منع دي.
- هر ډول دیجیتالي فریب یا ناوړه ګټه اخیستنه عدلي تعقیب لري.
شپږمه ماده: د اعلانونو مسؤلیت
- د اعلان د محتوا د صحت او اعتبار مسؤلیت یوازې د اعلان کوونکي پر غاړه دی. ازپگ د معاملې، کیفیت یا خدمت مسؤل نه دی.
- کاروونکي باید یقیني کړي چې معامله په خوندي فضا کې، د پوره معلوماتو سره ترسره کېږي.
اوومه ماده: د تماس طریقه او د پلیټفارم رول
- ازپگ یوازې د پلورونکي او پیرودونکي ترمنځ واسطه ده او مستقیم رول نه لري.
- د پلیټفارم دننه چټ شتون نه لري. اړیکه باید د قانوني چوکاټ دننه د واتساپ یا تماس له لارې وشي.
- پیسې، موافقې، تحویل، او نور جزئیات باید د افغانستان د قوانینو مطابق د دواړو خواوو ترمنځ وشي.
د خوندي معاملې لپاره، د ازپگ د قرارداد فورم څخه کار اخیستل سپارښتنه کېږي.
اتمه ماده: مسؤلانه کارونه
- کاروونکي باید د نورو د تماس معلومات د اعلان، مزاحمت یا بل نامناسب هدف لپاره و نه کاروي.
- تکراري یا جعلي اعلانونه کولای شي د کارن حساب بند کړي.
نهمه ماده: د محرمیت ساتنه
- د کاروونکو شخصي معلومات به یوازې د تخنیکي یا ارتباطي اړتیاوو لپاره وکارول شي، او پرته له اجازې، بل چا ته نه ورکول کېږي (مګر د قانوني حکم په صورت کې).
- کاروونکي باید خپل رمز پټ وساتي او د خپل حساب ساتنه وکړي.
لسمه ماده: د اعلانونو ویرایش یا حذف
- ازپگ حق لري چې هر اعلان، چې له شرایطو سره سمون نه لري، له خبرداري پرته حذف کړي.
- که تخلف تکرار شي، د کارونکي حساب موقتي یا دایمي بندېږي.
یوولسمه ماده: د مسؤلیت څخه معافیت
- ازپگ د کاروونکو لخوا ورکړل شویو معلوماتو د صحت، دقت یا اعتبار مسؤلیت نه لري.
- د اعلان د محتوا مسؤلیت یوازې د اعلان کوونکي پر غاړه دی
- ازپگ د هر ډول مادي یا معنوي تاوان (جاني، مالي یا حقوقي) مسؤلیت نه لري چې د اعلان یا د کاروونکو د بېپامۍ له امله رامنځته شي
دولسمه ماده: د شرایطو بدلون
- ازپگ حق لري چې شرایط د وخت سره سم د افغانستان د نافذه قوانینو او داخلي مقرراتو مطابق تازه کړي.
- کاروونکي مسؤل دي چې دا بدلونونه مطالعه کړي. د پلیټفارم دوامداره کارونه د نوې نسخې د منلو په معنی دي.
اړیکه
که کومه پوښتنه، شکایت یا لارښود ته اړتیا لرئ، له موږ سره اړیکه ونیسئ: